اكبر غلطة غلطتها في حياتي

فساعتها وافقت واتجوزت واستلمت شغلي وعدت فترة قصيرة كنت فعلا كويس فيها ومراتي حملت في ابني لكن بعدها رجعت تاني للشرب لكن كنت بحاول اكون في المتداري قدر المستطاع،، لاني بقيت راجل متجوز وفي ابن في الطريق وعندي شغل وحياة،، لغاية ما مراتي اللي ماكانتش تعرف اي حاجه عن الماضي بتاعي،،بدأت تلاحظ وبدأت تكبر مشاكلنا،،في الوقت اللي الشركة بدأت تخسر لدرجة اني مابقاش معايا اي سيولة وماكنتش حتى لاقي فلوس اشتري بيها

الدوز بتاعتي،، وفي اليوم دا مراتي كانت بتلم هدومها عشان تروح عند اهلها بعد خناقه ضخمه بينا،، فشوفتها وهي بتطلع صندوق الدهب بتاعها عشان تحطه في شنطتها ووقتها شفت في الصندوق دا حل مشكلتي،، وروحت عشان أشده منها زي المجنون وبعدهغ مش فاكر ايه اللي حصل بالظبط لكن آخر حاجه فاكرها انها وقعت على بطنها وانا وقعت فوقها وبعدها مقاومتها وقفت، فاخدت الدهب وهربت عشان اعرف بعد كام ساعه ان مراتي سقطت وهي في الشهر السابع وابني مـ,ـات ومراتي كمان كانت هتموت بس اتلحقت،، بعدها الاحداث اخدت منحنى مختلف خالص،، ابويا صمم ان ابني مش هيتغسل ولا يتكفن الا لما احضر غسله وتكفينه واني ادفـ,ـنه بايدي،،وانزل بيه قبره لوحدي،،

وفي الوقت دا اهل مراتي كانوا رافعين دعوى عليا وماهديوش واتنازلوا عن الدعوى الا لما طلقتها وابويا عطاها كافة مستحقاتها وزيادة،،وخلال ايام بسيطة وبعد ما لم البلاوي اللي عملتها كعادته،، حصلت الصدمة الأخيرة بوفاة ابويا…

اللي على الرغم من كل الفشل والفساد اللي كنت فيه واني كنت بعانده واسيبه،،الا اني كنت دايما مطمن طول ما نفسه في الدنيا،، كان ضهري وسندي وملجأي لو كل الدنيا داقت عليا،،

قالوا انه مات بازمه قلبية لكن الحقيقة انه مات من القهر على ابنه الضايع وعلى ابن ابنه اللي كان مستنيه،، حتى اختي من بعد دفنته قالت لي انسى ان ليك اخت خلاص

اكبر غلطة غلطتها في حياتي

بعدها مريت بحالة اكتئاب ماظنش ان بني آدم في الدنيا يستحملها،،لدرجة اني ماكنتش قادر اتحرك فعليا من سـ,ـريري،، كنت حاسس اني جماد،، كرسي ولا سـ,ـرير ولا حتى حجره،، تخيلي اني ماكنتش قادر آنزل أجيب لنفسي الدوز اللي دـ,ـمرت علشانها حياتي كلها،، وكنت عايش على ازازة مياة جنبي،،كل ما ريقي يتحجر آخد منها شويه وفضلت في البيت يمكن خمس ايام،، لغاية ما بواب العمارة اتصل باختي وجات اخدتني المصحة للمرة الأخيرة،،

كنت بتعالج من حالة اكتئاب حاد نتجت عن عقدة الذنب جوايا وبتعالج بردو من الادـ,ـمان،، وبعد ما طلعت من المصحة،، روحت زورت قبر ابويا وابني اللي ماتوا بسببي ووعدتهم وانا ببكي اني هتغير،، بعدها روحت بيعت كل ورثي من والدي وحطيت الفلوس باسم اختي في حسابها وقررت ابدأ بنفسي حياة جديدة،، مالهاش أي علاقة نهائي بكل حياتي القديمة،، فاستلفت مبلغ لآخر مرة من اختي واخدت عربية امي الله يرحمها اللي كانت مرمية في جراج تبعنا من سنين،، ودلوقتي عدى عليا سنه تقريبا وانا عايش في حياتي اللي ببنيها بنفسي لكن تفتكري ان اللي زيي ينفع يرجع يعيش؟؟….

……………………………………………………………