قصص وروايات

سلفتي بتسيب أولادها

سلفتي بتسيب اولادها قدام الكل عادي، الا انا كل ما تشوفني تخبي عيالها وتقرأ المعوذتين حتى لو عندنا ضيوف تخبيهم مني بطريقه محرجه جدا ليا،لحد ما في مره عملت كده قدام اهلي فوقف اخويا الكبير وعمل حركه كسفتها كسفة عمرها وخلتها حرمت تكرر عمايلها دي تاني!!!
أنا متجوزة بقالي حوالي أربع شهور بس، في نفس البيت، معايا سلفتي؛ ست عندها ولد وبنت ربنا يبارك لها فيهم، بس أسلوبها معايا بقى حاجة تقرف وتجيب الضغط والسكر.
من أول ما دخلت البيت ده وأنا ملاحظة حاجه غريبة منها، أول ما تشوفني تقول لعيالها بصوت عالي اجروا على أوضتكم.. يلا ادخلوا جوه، وتقعد تتمتم بالمعوذتين وآية الكرسي والرقية الشرعية كأنها شايفة عفريت مش بشړ!
في الأول، كنت باخد الموضوع على إنه هبل وخوف زايد من العين؛ فيه ناس بطبيعتها بتبقى موسوسه وپتخاف على عيالها من دبت النملة.

بس الغريب والمستفز بجد، إن طريقتها دي معايا أنا لوحدي! يعني العيال دي بتلعب قدام حماتي، وقدام العيلة كلها، والجيران رايحين جايين والبيت مليان ناس، والعيال عادي بتجري وتتنطط في كل حتة ولا كأن فيه حاجة.
أول ما تلمحني انا بس نازله من شقتي، تتقلب 180 درجة! وتحبس عيالها، والقرآن يشتغل بصوت مسموع، والنظرات اللي كلها ړعب وريبة كأني حاسدة العيال دي على إيه مش عارفة!
الأسوأ من كده بقى إنها بتحرجني كده قدام الناس عادي جدا يعني لو قاعدين وفي ضيوف من الجيران أو قرايب جوزي، وتلاقي الكل قاعد بيدردش ويضحك، وأول ما أنا أظهر، تقوم عاملة الفيلم الهابط ده قدامهم كلهم ادخلوا جوه.. اقروا المعوذات، بحركة واضحة وصريحة تبين للي قاعدين إن الست دي بتبص في عيالنا وحاسداهم.
الحركات دي كانت بتخنقني، وكنت ببقى قاعدة مكسوفة ومش عارفة أرفع عيني

في وش الضيوف من قلة ادبها.
وفي يوم اتنرفزت منها جدا واول ما الضيوف مشيو ولقيت نفسي واقفة معاها لوحدنا في الطرقة، سالتها بشكل صريح
هو فيه ايه يا نوال هو أنا عملتلك إيه لكل ده؟! أنتي كل ما تشوفيني تعملي كده وتخبي عيالك! هو أنا هحسدهم يعني؟!
بصتلي وراحت مخمسة بإيديها في وشي بطريقة مستفزة وباردة، وقالت بكل قلة ذوق
.. وما تحسدهمش ليه يا حببتي ؟ أنتي لسه بطنك فاضية محملتش ولا شفتي زرية! !
الجملة صدمتني بجد! أنا مبقاليش غير أربع شهور متجوزة! أربع شهور بس! لسه بنقول يا هادي ومفكرناش في موضوع الخلفه ده ابدا ولا حسينا بتاخير اصلا !!!
فتحت بوقي من كتر الصدمة وقولت لها
أنا لسه متجوزه جديد با نوال! خلفة إيه .. هو أنا لحقت أصلاً عشان أحسد عيالك أو حتى أفكر في الموضوع؟!
ردت عليا وهي بترفرف بعينيها وتقول بكل ثقة وجهل
طبعا لحقتي.. وكمان

تأخرتي! هو

إنتي فاكرة إيه؟ أنا حملت بابني ده من أول شهر جواز
سكتّ تماماً ومبقاش عندي أي كلام اقوله من التفكير المتخلف ده. مبقتش أتناقش ولا أعبر واحدة بالعقلية دي وبقيت أتجنبها تماماً وأعدي من جنبها ولا كأنها موجودة، واكتفيت إني أسكت وأدعي ربنا يصبرني على ما بلاني في البيت ده.
لحد ما في يوم أهلي جم يزوروني والكل كانوا تحت قاعدين معاهم .
انا فوق في شقتي بخلص حاجة، واول ما جوزي قالي ان اهلي تحت نزلت فورا.
ولسه يا دوب نازلة من على السلم ورايحة على الصالون، قامت سلفتي جريت زي العاده على عيالها وقالت بصوت عالي قدام اهلي
خشوا جوه يا عيال بسرعة.. اقفلوا الباب.. قل أعوذ برب الفلق.. قل أعوذ برب الفلق!
البيت كله سكت مرة واحدة، واهلي فضلو يبصوا لبعض وقفوا مستغربين .
انا وقتها حسيت وشي ۏلع من كتر الإحراج والكسوف وجوزي بص لاخوه بغيظ لانه
جوزها والمفروض يقولها ان ده عيب …بس زي العاده اخوه كان قاعد ولا كانه سمع حاجه.
لكن في اللحظة دي، حصل اللي ماكنش على البال ولا على الخاطر!
أخويا الكبير ما سكتش، وقف وبص لسلفتي وعمل حركة عمر ما حد فينا توقعها، حركة صدمت سلفتي وكسفتها كسفة عمرها قدام الكل وحرمتها تكرر العمايل دي تاني !!!
أخويا الكبير ما سكتش، بالعكس قام من مكانه وابتسم ابتسامة هادية، وبص ناحيتي وقال بصوت عالي
إيه يا جماعة، هو أنا مش هسلم على أختي ولا إيه؟!
وبعدين لف ناحية عياله التلاتة اللي كانوا جايين معاه، وناداهم وقال
تعالى يا يوسف إنت وإخواتك، سلموا على عمتكم حبيبتكم.
العيال جريوا عليه، وهو مسك إيدهم وجابهم لحد عندي، وقال لهم
يلا بوسوا عمتكم، دي وحشتكم أوي.
وأول ما قربوا مني، قعدهم واحد ورا التاني في حجري، وأنا من الفرحة فضلت أبوس فيهم وأحضنهم،
خصوصاً إني بحب ولاد أخويا جداً، وكنت متعلقة بيهم من قبل ما أتجوز.
أخويا بص للناس كلها وقال وهو بيضحك
أصل عيالي مش بيرتاحوا ولا بيحبوا قد قعدتهم مع أختي، ومن ساعة ما اتجوزت وهما بيسألوا عليها كل يوم، وكل شوية يقولولي إمتى هنروح نشوف عمتنا؟ دول كانوا متعودين يقضوا معاها نص يومهم، دي اللي ربتهم على إيدها بعد أمهم، وكانت بتذاكرلهم وتاكلهم وتلعب معاهم، يعني مش غريبة عليهم ولا هما غرباء عنها.
وبعدين بص لنوال سلفتي وقال بنبرة فيها جدية
وبالمناسبة بقى، أختي عينها مليانة والحمد لله، وعندها عيال أخوها متربيين على إيدها وبتحبهم زي ولادها، ولسه عروسة جديدة ملحقتش حتى تفرح بجوازها، يعني ملحقتش عشان تحسد حد على عياله! ولا هي ناقصة تشوف ولاد الناس عشان تتمنى اللي عندهم.
وشه اتغير شوية وكمل
وبعدين هو إيه حكاية إن كل ما أختي تظهر
قدامك تخبي عيالك

السابق1 من 2
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى