بيشتكي بقالو يومين من ألم شديد جدا ً في منتصف الص*در مسمع في ضهره. طبعاً أي حد هيتعرض للألم ده أو هيسمع الشكوى دي أول حاجة هتخىطر في باله هي أزىمة قلبية أو جىلطة في الشريان التاجي ؛ حتى المريض نفسه شك إنه عنده جىلطة في القلب.
المريض توجه إلى الطوارئ في أحد المستشفيات ؛ و الأطباء هناك مشكورين كشفوا عليه و عملوا له رسم قلب و إنزيما*ت قلب و تروبونين.
الفحص طلع سليم بس كتبوا له أدوية سيولة و طلبوا منه يجي عيادة القلب في المستشفى في اليوم التالي.
المريض مارحش المستشفى و جالي العيادة بالليل.
المريض ملامح وشه مش طبيعيه و عرقان بشكل غريب مع حالة من الهزال و الإعياء العام ؛ سمعت شكوته و بدأت أفحصه و أنا بدعي ربنا من جوايا مايكونش عنده إللي بالي.
قيست له الضغط في دراعه اليمين و شمال و هنا بدأ القلق يتسلل إلى نفسي لما لاقيت الضغط في دراعه اليمين ٨٠/٥٠ و في دراعه الشمال ١٥٠/١٠٠
حاولت بقدر الإمكان أخبي أثا.ر القلق على ملامح وشي عشان ما اخضش المريض.
عملت للمريض رسم قلب أظهر بعض التغيرات الطفيفة اللي تحتمل وجود قصور في الشريان التاجي ؛ و عملت له إيكو على القلب لاقيت كفاءة العضلة زي الفل و ما فهاش أي مشاكل.
لكن قلقي زاد أكتر لما لاقيت في الإيكو فيه اتساع في جذر الشريان الأورطي و معاه ارتجاع متوسط في الصمام الأورطي.
المريض بعد الكشف سألني : خير يا دكتور .. هي دي جىلطة ؟
قلت له بصراحة مش ظاهر قدامي أي علامة تشير لوجود جىلطة بس برضو وجود قصور في الشريان التاجي أمر غير مستبعد.
طلبت من المريض تحليل إنزيما*ت قلب و تروبونين يعملهم عندي في المركز بسرعة بحيث أعرف النتيجة في خلال نص ساعة.
بالفعل الممرضة عندي سحبت التحاليل و النتيجة جات لي بعد نص ساعة تقريبا و كانت سلبية يعني مفيش جىلطة في الشريان التاجي.
تخيلوا كنت بدعي ربنا من جوايا قبل ما التحاليل تطلع إن النتايج تطلع عالية و المريض يطلع عنده جىلطة في الشريان التاجي !!
هل لإن جىلطات القلب حاجة جميلة و كيوت ؟!
أكيد لا طبعا ً بس لإن لو المريض ما عندوش جىلطة هيكون السينــ . ــاريو المحتمل التاني أسوء مليون مرة من جىلطة القلب.
طيب إيه هو السينــ . ــاريو التاني ؟
هو إحتمال وجود تسىلخ في جدار الشريان الأورطي الصاعد .. و دي أسىوء و أخىطر مشكلة صحية ممكن تواجه مريض القلب على الإطلاق لإنها بتحتاج تشخيص سريع و تدخل جىراحي عاجل لإنقاذ حياة المريض.
دخل لي المريض بعد ما شوفت التحاليل ؛ قولت له التحاليل سليمة بفضل الله.
قالي :- أومال أنا تعبان ليه و حاسس بتق.طيع في صد.ري و ضهري؟
قلت له :- هطلب منك إشعة تعملها لي بشكل عاجل دلوقتي حالاً ؛ و اديته تحويل لاحد مراكز الأشعة الكبرى في القاهرة.
الاشعة دي عبارة عن أشعة مقطعية بالصبغة على الشريان الأورطي و الشرايين التاجية.
كل ده و أنا بحاول ما أظهرش متوتر أو قلقان قدام المريض عشان ما أزودش خوفه و قلقه أكتر.
سألني :- مش هتكتب لي أي علاج مؤقت ؟
قولت له : لا .. بس اديته حباية علاج ضغط عالي من عندي لحد ما يروح يعمل الأشعة.
أكدت على المريض يخرج من عندي مباشرة على مركز الأشعة و ما يضيعش و لا دقيقة و أول ما يخلص الأشعة يكلمني.
السكرتيرة تابعت المريض تليفونيا لحد ما تاكدت إنه راح بالفعل مركز الأشعة و اطمنت إنه وصل.
انتظرت منه تليفون يكلمني .. ما كلمنيش.
خليت السكرتيرة ترن عليه أكتر من مرة .. جرس ومافيش رد.
تاني يوم الصبح انتظرت المريض يكلمني برضو ما كلمنيش .. إتصلت بالسكرتيرة أسألها هل المريض اتصل بيكي ؟ قالت لي لا.
قولت لها طيب رني عليه تاني اطمني عليه.
اتصلت مرة و اتنين و تلاتة .. مفيش رد.
عدى أسبوع و السكرتيرة اتفاجئت بتليفون المريض بيرن عليها.
بس المرة دي زوجة المريض هي اللي كانت بتتصل.
السكرتيرة سألتها عن المريض .. قالت لها البقاء لله .. انتقل إلى جوار ربه وهو داخل غرفة الأشعة المق.طعية في مركز الأشعة.
زوجة المريض منهارة تماماً من البكاء و الأسرة كلها محطمة نفسياً بسبب هذا الفراق المفاجيء و السريع لهذا الشاب الذي كان في كامل قوته و عنــ . ــفوانه.
رحمه الله رحمة واسعة وأسكنه فسيح جناته و ألهم أهله الصبر و السلوان.
الشاهد ….
في طواريء المستشفيات و في الاستقبال مش أي مريض عنده ألم في الص*در ينفع يروح بيته حتى لو طلع رسم القلب سليم و تحليل إنزيما*ت القلب و التروبونين طلعوا سلبي.
المريض اللي عنده ألم في ص*دره و ظاهر عليه أعراض مقلقة و مش مريحة لازم يتحجز و يتحط تحت الملاحظة لحد ما يتعرف الألم ده جاي منين و سببه إيه ؛ لان وجود ألم عنيف في الص*در رغم استبعاد جىلطات القلب غالباً يخفي سينــ . ــاريو أسوء و أكثر خطورة.
#بناء_الوعي
