انا متجوزة من سنتين وكان عندي مشكلة في الخلفة
انا متجوز من سنتين وكان عندي مشـ,ـكله ف الخلفه وخبيت ع مراتي معرفش عرفت ازاي..بس مقالتش لحد ولا جابتلي سيره وربنا كرم بالحمل بعد سنتين عشان كنت باخد علاج ساعدني ع الخلفه..اول ماحملت امي قلبت ومحدش من امي او ابويا او اخويا قالها مبروك ولا فرحولها..وامي بقت ف الطلعه والنازله تحسبن فيها وتدعي عليها وقاطعتها من غير سبب ف مراتي خدت جنب وبقت ف حالها وهي مراتي مبتردش ولا بتبص حتي ف عين امي..انا بعد شهر من حملها اتغيرت وغيرت
اسلوبي معاها وبقيت وحش اوي وبتلككلها ع اي حاجه وتقلت عليها ف شغل البيت واسلوبي بقا زفـ,ـت معاها فخدت بعضها وروحت عند ابوها وبعد شهر من مروحها روحت اجيبها انا ورجلين كبار ابوها رفض وطلب مني شــــ,,قه بره..وساومني ع رجوع بنته بشقه بره وانا موافقتش ومشيت واتصلت بمراتي اتحايلت عليها ترجع نفس البيت ومالهاش دعوه بأهلي قالتلي مش هرجع نفس البيت تاني ف بعد ٣ شهور روحت عملت انـ,ـذار طـ,ـاعه
عشان اجيبها بالعافيه ڠصب عن ابوها ولقيتهم ردوا عليا بكل القـ,ـضايا اللي الست بتعملها وجه ميعاد جلسه الحكم بتاعت الانـ,ـذار وكسبت الانـ,ـذار ومن شهر مراتي ولدت يعني بقالها ف بيت ابوها ٩شهور ومكنتش ببعتلها مليم لانها مش ف بيتي وماليش اصرف عليها بره بيتي..وروحت عشان ارجعها ابوها طلب مني ٣٠ الف حق مصاريفها ف الحمل والولاده طول ال ٩شهور..طب انا مالي واي ذنبـ,ـي ادفع ٣٠الف جنيه ف قولتله مش هدفع غير ١٥..
بصيت لقيت مراتي بتقولي هبيع خاتم من ورا اهلي وكمل ال١٥ يبقوا ٢٠ وهكلم بابا يوافق ع ال٢٠ قولتلها ماشي لقيتها بتقولي الخاتم جاب ٣ للاف بس لان فعلا الخاتم صغير وخفيف اوي ف ميجبش قولتلها بيعي واحد تقيل قالتلي انا بعت الدهب عملته وديعه باسم بنتنا عشان اصرف عليها بعد مااتولدت م الفلوس اللي بتطلع منها والدهب ده كان خاتم وتوينز بس..اتـ,ـخانقت معاها وقولتها اكسـ,ـري الوديعه وهاتي ال٥الاف وسبيىىت الدىىين بس مكنتش اقصد وقولتلها مش هحل حاجه ومش
هاجي اتكلم تاني وغلطت فيها جامد لقيتها طلعت فيا وقالتلي مش هكسـ,ـر وديعه ولا هبيع خاتم انا مش مجبره اعمل كده وانت ملزوم اللي تعمل كده..وبنتي هرفعلها نفقه عشان حرام ابويا يصرف عليها وانت موجود ومبتدفعش وهرفع كل حقوقها لحد تمكـ,ـين الشقه..طب ده ينفع بالله عليكم انا نويت احل والاقيها هي واهلها كده..اتصلت ب ابوها وافق ع ال١٥ الف بس شارط اني ابويا يجي معايا وانا مش هدخل ابويا ف حاجه..انا كده غلطان!
