بناتي الثلاثة
طيب وانتي بقا واثقة في الواد اللي اسمه وليد ده يا رقيه انا مش مرتاحة خالص الصراحة
رقيه
لا بقا متقوليش ده وليد انا مثقش في حد اده في الدنيا دي كلها اومال ايه
رحاب
ربنا يسترها بقا علينا من اللي جاي
وعند وليد قاعد معاه صاحبه إيهاب وقالة
إيهاب
انت ايه اللي انت عملتة ده يا سطي انت هتجيب فلوس للبت دي وأخواتها منين ان شاء الله
وليد
ليه وهو انت فاكر اني انا ناوي اديهم فلوس زي ماهما عايزين انت عبيط ياض انت ولا ايه
إيهاب
لا انا كده مش فاهمك انت ناوي على ايه بالظبط هتعمل معاهم ايه
وليد
انا ناوي اشغلهم مع البت لوزه وهيام يروحو معاهم الشغل اياه
ايهاب
اوووبااا يابن اللذينة وانت فكرك بقا ان البت رقيه وأخواتها هيوافقوا على الكلام ده
وليد
طبعا هيوافقوا يابني اومال انت فاكر ايه ده لازم يوافقوا والا هفىضحهم هما واختهم
إيهاب
هتفىضحهم ازاى بقا يا فالح انت ماسك عليهم حاجة ولا ايه
وليد
لا لسه ياسطى بس ده انا وليد يابني والاجر على الله انت فاكرني ايه ده انا مليش وصف انا عامل خطة كده هعملها فيهم لما يجوا وهاخد كام صورة ليهم كده وهعمل عليهم احلى شغل عشان امسك رقبتهم بيهم
إيهاب
يخربيت دماغك ده انت مرتب لكل حاجة بقا يا عم وانا مش واخد بالي قال وبقول عليك مش عارف حاجة ده انا اللي طلعت معرفش حاجة ابدا صحيح العلم نور
وليد
انت فاكر ايه وبكرة هتشوف لما البت رقيه واخواتها يدخلوا الشغلانة دي هنكسب من وراهم مكاسب انما ايه عنب اصلك متعرفش البت رقيه دي وأخواتها قمرااات ازاى ياض
إيهاب
اشطة يعني اخوك هيبقا ليه من الحظ جانب بقا مش كده ولا ايه ده انا حبيبك برضو
وليد
طبعا يا حبيب اخوك اصبر بس انت وهتشوف
ودخلت عليهم حنان وقالت
حنان
بقولكم ايه يا بنات امكم اتصلت دلوقتي على عمكم عشان عايزة تكلمكم اسمعوا يابنات اوعوا تجيبوا لها سيرة الشغل اللي انتو هتروحوا ده اوعوا
رحاب
اكيد طبعا مش هنقول حاجة زي دي
رقيه
اكيد يعني مش هنقول يا مرات عمي أصلها يعني دي حاجة متتقالش ولا ايه مش معقوله هنقول لامنا اننا هشتغل خدامين
حنان
مش عارفه ليه حاسة كده من كلامك بتريقة يا بت يا رقيه ااه اصل انتي متعرفيش مصلحتك فين طيب ايه رايك لما الفلوس تجري في ايدكم هتحبوا الموضوع اوي
واتصلت امهم وقالوا لها انهم كويسين وقالت لهم
ياسمين
معلش يا حبايبي انا عارفة اني سبتكم وسافرت وانكم محتاجيني معاكم بس انا والله غصب عني اني ابقى بعيد عنكم
هنا
متقوليش كده ياماما انتي اطمني علينا خالص دي حتى مرات عمنا حنان مخليانا مش محتاجين حاجة خالص وواخده بالها مننا
حنان بصوت واطي
ايوه كده يا هنونة يا حبيبتي والله انتي اكتر واحدة بحبها وغالية عليا اوي
رقيه
الصراحة يا ماما مرات عمنا بتجيب لنا كل اللي احنا نفسنا فيه ومش حارمانا من حاجة ابدا
ياسمين
طيب الحمد لله ربنا يهديها عليكم كمان وكمان ياولاد المهم انا يومين كده اقبض من شغلي وابعت لكم الفلوس اللي انتو عايزنها كلها
هنا
متحمليش همنا ياماما احنا كويسين خالص مع السلامة
وقفلوا معاها وحنان قالت
حنان
والله ياعيال انتو حبايب قلبي يلا جهزوا نفسكم وانا من الصبح بدري هودي كل واحده المكان اللي هي هتشتغل فيه
رقيه
طيب وانتي تتعبي نفسك ليه يا مرات عمي احنا عايزين نروح احنا لوحدنا انتي بس تدينا العنوان وانا هنروح لوحدنا متقلقيش علينا
حنان
ماشي على العموم خلاص انا هديكم العنوان وانتو تروحوا لوحدكم بس مش هوصيكم بقا
وسابتهم وخرجت من الاوضة ورحاب قالت
رحاب
طيب افرضي يا رقيه مرات عمك اتصلت علي الناس اللي احنا رايحين عندهم وقالوا لها اننا مروحناش
رقيه
معتقدش انها ممكن تتصل عليهم ليه بقا لان مرات عمكم دي كلبة فلوس وميهمهاش غير الفلوس وبس على فكرة بقا ولما نرجع لها بالفلوس هتسكت ومش هتنطق
وتاني يوم راحوا عند وليد قالهم
وليد