بناتي الثلاثة
هيشتغلوا شغلانة تاكلنا كلنا الشهد هو انا مش قولت لك ياراجل خليك ورايا وانت هتكسب كتير اوي المهم بس هما يوافقوا وليه ماهما لازم يوافقوا غصب عنهم
مراد
انتي ناوية على ايه يا حنان بالظبط ومقولتيش ايه الشغل ده
حنان
الصراحة كده انا جبت لهم شغلانة في البيوت وكل واحده هتروح في مكان وكل بيت فيهم عند ناس هاي اوي وعليوي
مراد
ايه الكلام ده يا حنان انتي عايزة بنات اخويا يشتغلوا خدامين في البيوت انت شكلك جرا لعقلك حاجة ياوليه انتي
حنان بتزعق
ومالهم يا حبيبي الخدامين ما انت واخدني وانا بخدم في البيوت ولا نسيت
مراد
وطي صوتك ياوليه ايه اللي انتي بتقوليه ده انتي عايزة البنات تسمعك وانتي بتقولي كده
حنان
مايسمعوا هو انا يعني هستعر ولا هستعر وبعدين هو جرا ايه يا راجل هو انت لا منك ولا كفايه شرك هو انت لا بتشتغل ولا عايز تشتغل ولا عايز تصرف اومال احنا هنجيب منين يا حبيبي
مراد بخوف
يا حنان انا مقصدش حاجة انا بس عايز اعرف انتي هتشغليهم ليه في البيوت طيب ماتشوفي لهم شغلانة تانية انشالله حتى في محل ملابس ولا حاجة
حنان
ولا محل ملابس ولا نيلة انا قولت انهم هيشتغلوا في البيوت يعني هيشتغلوا في البيوت طيب ما طول عمري كنت بشتغلها ولا اشتكيت ولا مليت لولا انت اللي من يوم ما اتجوزتك وانت قعدتني في البيت ولا شغله ولا مشغله
مراد.
خلاص اعملي اللي تعمليه يا حنان
حنان
ايوه كده اتعدل ياخويا بلا هم بت يا رقيه تعالي انتي اخواتك عايزاكم
وراحو لها البنات التلاتة ورقيه قالت
رقيه
نعم يا مرات عمي انتي بتنادي علينا ليه
حنان
تعالي ياروح مرات عمك بصي بقا انا دلوقتي عايزاكم انتي واخواتك في شغلانة كده الصراحة انا قعدتكم دي مش عجباني وقولت اشوف لكم شغلانة كويسة هتاخدوا منها فلوس حلوه
رقيه
ااه وشغلانة ايه دي بقا يا مرات عمي وبعدين احنا اصلا عندنا دروسنا ودراستنا يبقا هنشتغل ازاى
حنان
لايا حبيبتي مليش فيه الكلام ده انتو لازم تتشتغلوا مش هتفضلوا قاعدين لي كده انا وعمكم هنجيب لكم منين احنا يا حبيبتي
هنا
ماهي ماما هتبعت لنا فلوس يا مرت عمي وساعتها هنعرف نصرف منها كويس
حنان
طيب وليه يا حبيبت مرات عمك متروحوش تشتغلوا وكمان امكم تبعت لكن فلوس وتبقا كسبتوا من الناحيتين
رحاب
طيب حضرتك يا مرات عمي مقولتيش ايه الشغل ده بالظبط عشان نبقا عارفين
حنان
كل واحدة فيكم هتروح في بيت وتنضف وتغسل وتمسح وفي آخر اليوم هتقبض فلوس
رقيه
ايه ده يا مرات عمي ازاى الكلام ده يعني انتي عايزانا نشتغل خدامين في البيوت
حنان
ومالهم الخدامين ياروح مرات عمك هما مش، ناس بتشتغل وبكافح على أكل عيشهم ولا ايه
البنات بصوا لبعض وحنان كمات وقالت
حنان
اعملوا حسابكم من بكرة الصبح هتنزلوا الشغل يلا ادخلوا على اوضتكم
ودخلوا وهنا قالت
هنا
احنا هنعمل ايه يا بنات انتو ناوين تسمعوا كلام مرات عمكم وتشتغلوا زي ما هي بتقول كده انا عن نفسي مش هقدر اروح بيت اي حد واشتغل عندهم ازاى يعني هعمل كده
رحاب
طيب هنعمل ايه يا فالحة انتي عارفه مرات عمك ولسانها عامل ازاي ولو رفضنا مش هتسكت لنا خالص وعمكم بيمشي وراها وبيسمع كلامها في كل حاجة
هنا
ما تشوفي لنا حل في الموضوع ده ياست رقية يام العريف انتي ولا انتي فالحة بس عماله تقولي محدش هيخلينا نعمل حاجة مش على مزاجنا وخلاص
رقيه
انا هتصرف يابنات المهم بس انتو جهزوا نفسكم للشغل واعملوا نفسكم اننا وافقنا لحد بس ما نخرج من البيت هنا
واتصلت بوليد وده شاب هي بتعرفه وقالت له
رقيه
الو ايوه يا وليد انا كنت محتاجة اتكلم معاك يا وليد
وليد
عيوني يا رقيه هو انا اقدر اتأخر عنك يا قلبي قولي لي في ايه وبعدين صوتك ماله كده انتي في حاجة مضيقاكي ولا ايه
رقيه
الصراحة يا وليد مرات عمنا عايزة تشغلنا انا واخواتي في البيوت وانا قولت اني اكلمك عشان عارفة انك انت اللي هتقدر تساعدني في الحكاية دي
وليد
اؤمريني يا قمر وانا اعملك كل اللي انتي عايزاه
رقيه
انا دلوقتي لازم اسمع كلام مرات عمي عشان لو رفضت انا واخواتي متعرفش هي ممكن تعمل فينا ايه فانا دلوقتي بقول هو ينفع ننزل من البيت ونبقا ناخد منك انت اليومية ونرجع بيها لمرات عمي ولا مش هينفع
وليد
ااه تقصدي يعني عايزة تنزلي من البيت انتي واخواتك وبعدها تيجو عندي وكانكم اشتغلتم وبعدين تاخدوا مني اليومية ترجعوا بيها لمرات عمك
رقيه
بالظبط كده وعلى فكرة الفلوس اللي هناخدها منك دي هنعتبرها سلفه وبعدين هنردها لك لما ماما تبعت لنا الفلوس أصلها لسه مبعتتش لنا
وليد بارتباك
ااا اااه ومالوا يا حبيبتي خلاص تمام تعالي وبعدها هنشوف الموضوع ده
وقفلت معاه وقالت لاخواتها
رقيه
خلاص ياولاد المشكله اتحلت وهنروح عند وليد وهو اللي هيدينا الفلوس اللي هنسكت بيها مرات عمكم اللي متتسماش دي
هنا
