حسبي الله ونعم الوكيل في اي واحد كان سبب ان حياتي تتحرب بالشكل ده

أنا حياتي واقفه بسبب ان شخص مىريض دخل حياتي وقلبها بقالي 8 شهور مش عارف اتعافي ولا عارف ارجع طبيعي زي الأول ، اكتر من سنه مبقتش انس الفرفوش اللي ضحكتي مكانتش تفىارقني.. مشىكلتي بدأت من ٤ سنين لما اتقدمت ل شخص مىريض عشان اطلب ايد بنته كنت لسه شاب بسيط ف جامعه وقولتله انا عايز اخطب بنتك ! فيه الخير رحب بيا وقالي موافق مبدئاً ولكن نأجل الخطوة شوية لغاية ما مستقبلك يبانلو ملامح وده حقه ، ولكن عندي شروط * شغل وسكن برا سوهاج حتي لو ايجار وقالي يُفضل اسكندريه واني اكون حافظ القران .. طبعاً هيجي ف بالكم انو شخص تقي وبتاع ربنا وكدة ، زي ما جه ف بالي وقتها .. وقالي انه هيقول لبنته ف الوقت المناسب! طب ما انا لازم اعرف رأيها؟افرض مش موافقه؟ قالي متشغلش بالك انا اديتك كلمة راجل *هههه* طبعاً زي العبيط اخدت الكلمة من الراجل ههه بعد سنه ونص كان ربنا كرمني من فضله ووسع عليا ف كلمته نتمم الموضوع قالي انزل من السفر واتمملك الموضوع لقيته بعدها بيقترح عليا اشتري بيت ف اسكندريه وبيخليه شرط أساسي ل اتمام الجوازه ، مش بس كدة لا و١٠٠جرام دهب وكلنا عارفين الدهب بكام .. بعد مكان شرطه شىقة ايجار نزلت ودورت وكنت افىرجه معايا لغاية ما استقرينا ع بيت كان تمنه فلوس أبويا كاملة + فلوسي اللي كانت عبارة عن عربيتي ب ٣٠٠ الف من سنتين ف أجلت خطوة الشرا لغاية ما نتمم الموضوع رسمي لان خطوة زي دي بالنسبالي ريسك. طبعاً المعلم كان بيتلكك كتير ولما الاقيه بيتلكك اقوله خلاص خلينا حبايب بعيدًا عن موضوع النسب ونرجع نتكلم ف الموضوع تاني عشان ما اطولش ف الكلام المعلم رجع من السفر بقوله يلا نتمم الموضوع؟ قالي ازاي وانت مش جاهز قولتله فلوس البيت موجوده لكن مش هروح احط فلوس ابويا وفلوسي ف بيت لو الموضوع متمش هبقي لبست خازوق . شدينا ف الكلام .. قولتله كل حاجة نصيب وخلينا حبايب لاني كنت شايف الموضوع تطفيش وخلاص طلعت الموضوع من دماغي ” الاقيهم بيكلمو اهلي واخوها يكلمني يقولي تعال ونصلح الموضوع وكدة .. رجعنا وجبت البيت الحمدلله وبيعت العربيه وده كله متممناش الموضوع بشكل رسمي بعد الكلام ده بكام شهر الاقي امها بتقولي “بنتي انا تقعد ف ابو تلات!!!! ودي المنطقه اللي جبت البيت فيها وبتكلمني ع اساس اجيب شقه تانيه غير البيت اللي خلوني جبته???? مش بس كدة! كلمتني بعدها بفتره وبتقولي واحد مهندس متقدم وبالنسبالنا احسن منك ، ومعاه شىقة قريبه مننا قولتله هو مفيش حد بفضل احسن مني بس لو شايفين كدة يبقي ربنا يتمملها ع خير وتقولي لو مجبتش الشىقه أبوها مش هيقعد معاك ردي عليها كان خلاص ميقعدش ، انا عملت اللي عليا وزياده طبعاً كانت ترجع لجوزها وتقوله كلام تاني خالص???? طبعاً المعلم كلمني وزعلان لانها وصلتله كلام غير ده خالص وضحتله الصوره وقالي انا راجل ف بيتي هههه وخد الكلام مني انا وكدة بعدها مفيش كام يوم يغير كلامه ويُصر انه لازم شىقة ومش أي شىقة كمان طلب مني شىقة ب مليون جنيه ع الطوب والله???? ف كومباوند مُعين هحط اثبات ف الكومنتات بالكلام ده ف نفس الوقت اللي هو طلب فيه شىقة بمليون جنيه كدة كنت خسران خسارة كبيرة شُغلي بالكامل واللي ببني فيه بقالي ٥ سنين واكتر اتهد بالكامل وضحتله كدة وعرفته اني مش جاهز لشىقة بالتمن ده خالص وبررت انت بقالك فوق ال٣٠ سنه ف السىعودية مش ساكن ف شىقة بالسعر ده! هسكن انا اللي حاجة وعشرين سنه؟ وبعد خىلافات كتير بينا ودخلنا ناس بينا كان الحل اني اجيب شىقة وشرط مكان فشيخ ف اسكندريه وبعدها يتمم الجوازه علطول وبما اني كنت ع الحديدة وقتها ( ابويا اداني مبلغ كبير + أُمي اديتني دهب ابيعه + ٣ صحابي ادوني مبالغ كبيره سلف ) روحت اخدت ده كله ودفعتهم ك تمن نص تمن شىقة ع الطوب والباقي قسط???? طبعاً طول الفتره اللي قبلها اتحول لشخص مريض يتعامل معايا اوسىخ معامله ، ويطلع نقصه عليا وميردش عليا المفاجأه ان بعد ده كله اصلاً متممش الموضوع برضو وبدأ يتلكك بحاجات تانيه لا انت مرفوض لاننا عايزين حد موظف وشغله ثابت لا انت مرفوض عشان بتلبىس شورت؟ وف المقابل الاقيه بيروح الساحل ويصور الحىريم هناك ويفرجها للناس???? لا انت مرفوض عشان حلاقتك اللي طول عمرك بتعملها وانا متقبلها ع كدة سبحان الله فجأه مبقتش عجباني لا انت مرفوض عشان انت من ٣ سنين كنت مقصر ف الصلاه لا انت مرفوض عشان شخص قالي انك مش بتسمع الكلام مع العلم ان الشخص ده متوفي بقاله اكتر من ٨ سنين انهارده وبعد حوالي ٧ شهور خلافات وخناق وحولتني لشخص يمشي يكلم نفسه ف الشارع حسبي الله ونعم الوكيل فيك حسبي الله ونعم الوكيل فيك وفي صحتك ربنا ينتقىم منك ويردهالك ف أغلي حاجة عندك وعند الله تجتمع الخصوم وانا خصيمك قدام ربنا يوم القيامه